From 0dadeff8e6abb6d2a560e120b5bc48264f0a935f Mon Sep 17 00:00:00 2001 From: /dev/urandom Date: Thu, 3 Jun 2021 12:21:22 +0300 Subject: [PATCH] new page for tokipona --- pages/tokipona/index.md | 2 + pages/tokipona/nasin_juni.md | 86 ++++++++++++++++++++++++++++++++++++ 2 files changed, 88 insertions(+) create mode 100644 pages/tokipona/nasin_juni.md diff --git a/pages/tokipona/index.md b/pages/tokipona/index.md index 19dae3e..df5f267 100644 --- a/pages/tokipona/index.md +++ b/pages/tokipona/index.md @@ -140,6 +140,8 @@ language's 120 word dictionary. * [list of Russian/Ukrainian/Belarusian city names](city_names.html) +* ["nasin Juni pi ilo kon"](nasin_juni.html), a short page about the "Unix way" + ## Software Here are links to some software that I personally found useful: diff --git a/pages/tokipona/nasin_juni.md b/pages/tokipona/nasin_juni.md new file mode 100644 index 0000000..7a3467c --- /dev/null +++ b/pages/tokipona/nasin_juni.md @@ -0,0 +1,86 @@ +% nasin Juni pi ilo kon +% /dev/urandom +% 2021-06-03 + +> %info% +> +> mi pali e lipu ni tawa [lipu tenpo](https://liputenpo.org). sina ken lukin e +> ona lon "lipu tenpo nanpa pan". lipu kon ni li jo e ante sin pi lipu mi. +> + +tenpo pini mute la, jan Ken Tansan (Ken Thompson) en jan Teni Wisi (Dennis +Ritchie) en jan ante mute li pali e ilo kon lawa Juni (*Unix*) tawa ilo sona. +ona li pali e ilo sin tan ni: ilo kon lawa ante li suli, li jo e ijo ike, li +pali ike lon ilo sona pi wawa lili. ona li wile e ni: jan li ken pali e ilo kon +sin tawa ona kepeken pali lili. + +tawa ni la, ona li pali e ilo kon lili mute. ilo wan li ken pali e pali wan +lili. taso, jan li ken pana pona e pali ilo tawa ilo ante. jan anu sona awen anu +ilo ante li pana e sitelen tawa ilo kon. ilo kon li pali, li pana e sitelen sin. + +sona pi ijo lon la, ilo wan pi ilo kon lili mute li ilo kon pi nimi "`sort`", li +ante e sitelen lon nasin ni: linja sitelen ale li ante nasin tan nasin sitelen +toki ( a -> e -> i -> j -> ... ). ilo kon pi nimi "`nl`" li pana e nanpa tawa +linja sitelen ale. ilo kon pi nimi "`wc`" li toki e ni: sitelen li jo e mute +sitelen seme, e mute nimi seme, e mute linja seme? ilo ante li ken lukin, li ken +ante e sitelen lon nasin ante mute. + +ilo lili ni li pona tan ni: ilo li lili la, mute pakala ona li lili. jan li ken +pali e ona lon tenpo lili. jan li ken linja e ilo lili mute. + +jan Taka Mikilo (Doug McIlroy) li jan pali suli pi ilo kon Juni. ona li toki e +ni: + + * ilo sina li wile pali e ijo wan, li wile pali pona. sina wile + pali e pali sin la, o pali e ilo kon sin, o suli ala e ilo ante. + + * ilo li pana e sitelen la, o sona e ni: ken la, ilo ante li kama jo e sitelen + ni. o pana ala e ijo ike. o sitelen e ijo kepeken nasin pona. + + * o pali e ilo kepeken nasin ni: tenpo kama lili la, jan li ken lukin e pali + ona. ijo lili pi ilo ni li ike la, o weka e ona, o pali sin e ona. + + * sina ken lili e pali jan la, o pali e ilo. o toki insa ala e ni: pali ni li + pini la, ilo ni li pona ala pona lon tenpo kama mute? ni li lili. o pali e + ilo. + +nasin Juni en nasin pi toki pona li sama lili. toki pona li jo e nimi pi mute +lili. toki ante la, jan li ken toki e ijo kepeken nimi suli wan. toki pona la, +toki sama li kepeken e nimi lili mute. + +tenpo ni la, ilo kon lawa mute li kama tan ilo Juni, li pali lon nasin sama. ilo +Peli (*Berkeley Software Distribution, BSD*) li kama tan ilo Juni. ilo kon lawa +Makinto (*Mac OS*) pi tenpo ni li jo e insa lawa wan, e ilo lili mute pi ilo +Peli. ilo Nu (*GNU*) en ilo Linu (*Linux*) li kama ala tan ilo Juni. taso, ona +li jo e ilo kon lili mute pi pali sama, pi nasin sama. + +# toki sin + +mi pali e kulupu pi lipu kon mute. mi wile e ni: ilo sona li pali e lipu sin. +lipu sin ni li jo e nimi nasin pi lipu ante ale. nimi nasin ni li kepeken e +nasin nanpa ni: lipu pi tenpo pini lili li lon sewi. lipu pi tenpo pini suli li +lon anpa. mi ken pali e ni kepeken lipu lili pi ilo Juni. + +> %info% +> lipu mi ale li jo e linja sitelen tu wan ni: ona li open kepeken +> sitelen "%". linja nanpa wan li toki e nimi lipu. linja nanpa tu li toki e ni: +> jan seme li pali e lipu ni? linja nanpa tu wan li toki e ni: lipu ni li tan +> tenpo seme? +> +> lipu ante ale li jo e sitelen toki pi lipu pini. ilo kon "`markdown`" li lukin +> e lipu ni, li pali e lipu sin pi nasin HTML. mi ken pana e lipu sin tawa lipu +> kon mi. +> +> mi wile pali e lipu sin tan sona pi lipu ale ni. + +ilo kon "`grep`" li lukin e lipu, li toki e ni: sitelen seme li open kepeken +sitelen "%"? ilo kon "`sed`" li lukin e ona, li toki e ni: linja sitelen nanpa +tu wan ona li toki e seme? ilo kon "`cut`" li weka e sona jaki tan linja sitelen +ni. ilo kon "`date`" li lukin e ona, li toki e ni: ona li toki e tenpo pali +seme? ilo ni li pali e nanpa tan tenpo ona. ilo sin mi li awen e nimi pi lipu +kon, e tenpo pali ona lon lipu kon ante. + +ilo kon "`sort`" li ante e nasin pi linja sitelen ale lon lipu kon sin. ona li +lukin e nanpa, li tawa e linja sitelen pi nanpa suli tawa sewi. ilo sin mi li +lukin e sitelen ni, li pali e lipu pini. mi ken pana e lipu pini ni tawa kulupu +pi lipu kon mi.